閒閒地一個飯盒收四、五、六十係好平常既事
想食平D其實冇太多既選擇
不過最近有同事帶左我去買素菜飯盒
好抵食喎 +__+ $28 有三餸飯加例湯
由於係素食餐廳，所有餸都係素菜，冇肉食
好彩對我黎講都唔係問題
試左好幾次，味道唔算得上好好味，但唔差架，好似屋企飯咁。
個人認為性價比好高！
雖然冇肉食，但三餸飯加湯係飽既～
餸菜方面十分推薦8號素鵝 !!!!!
好食 ~~ 仲要每日都唔同款，我次次都會揀
之後加個蔬菜類同豆腐/蛋類既就差唔多Lu
餐廳每日既素菜單都會放上舖頭既Facebook
我習慣買之前都上去望一望，揀定要咩餸
去到講想食既餸號碼就OK la ~
比完錢記低自己個飯盒號碼，等叫號～
係中環可以買到咁既平價飯盒真係值得支持！
希望店家可以長做長有
係中環返工既朋友可以試試丫！
沒有留言:
張貼留言